Ledion Liço reagon pas zjarrit në Top Albania Radio: “Një mëngjes i trishtë”
Ledion Liço ka reaguar pas zjarrit që përfshiu ambientet e Top Albania Radio, duke bërë të ditur se të gjithë janë mirë dhe se po punohet për rikthimin e normalitetit.
Në një postim në Instagram, krahas pamjeve nga brenda ambienteve të radios, ai e ka cilësuar ngjarjen si një mëngjes të trishtë për stafin dhe dëgjuesit.
“Një zjarr i papritur ka dëmtuar studiot tona duke na bërë të pamundur transmetimet tona normale”, shkruan Liço.
Ai thekson se, pavarësisht tronditjes nga ngjarja, ekipi po punon për t’iu rikthyer punës. Në mesazhin e tij, Liço falënderon dëgjuesit për mirëkuptimin dhe dashurinë, duke i siguruar: “Jemi të gjithë mirë”.
Zjarri ka ndërprerë programacionin e Top Albania Radio, duke bërë që edhe emisioni i mëngjesit “Wake Up”, i cili transmetohet njëkohësisht në Top Channel, të mos dalë në transmetim.
