Kiara Tito reagon pas aludimeve për një shtatzëni të dytë

Një fotografi e vetme mjaftoi që rrjeti të niste menjëherë aludimet se Kiara Tito dhe Luiz Ejlli mund të ishin në pritje të fëmijës së tyre të dytë.

Prej disa ditësh, moderatorja është përballur me pyetje të shumta nga ndjekësit, pasi në një prej fotove të fundit të çiftit, Luizi shfaqej me dorën e vendosur mbi barkun e saj. Gjesti u interpretua menjëherë si një sinjal i mundshëm për një tjetër pritje të ëmbël dhe nuk vonuan as urimet e para.

Por Kiara ka vendosur të mos e lërë më vend për interpretime.

Gjatë një bashkëbisedimi me ndjekësit në Instagram, përmes rubrikës “Ask Me a Question”, një prej tyre e pyeti drejtpërdrejt: “A je shtatzënë? Të lutem kthe përgjigje”.

Përgjigjja e moderatores ishte po aq e drejtpërdrejtë.

“JO! Nuk jam”, shkroi Kiara, duke hedhur poshtë kështu zërat që kishin qarkulluar ditët e fundit.

Kiara Tito dhe Luiz Ejlli janë tashmë prindër të Lunës, ndërsa familja e tyre vazhdon të jetë një nga më të ndjekurat në rrjetet sociale. Pikërisht për këtë arsye, edhe një detaj i vogël në fotografitë e çiftit mjafton shpesh për të nxitur kuriozitetin e publikut.

Këtë herë, megjithatë, Kiara zgjodhi ta mbyllë vetë diskutimin: nuk ka një shtatzëni të dytë.