Jessie J flet pas operacionit të dytë të gjirit
Jessie J ka ndarë me ndjekësit disa momente nga rikuperimi pas operacionit të dytë të rindërtimit të gjirit, më shumë se një vit pasi iu nënshtrua mastektomisë pas diagnostikimit me kancer të gjirit në vitin 2025.
Këngëtarja e hitit “Price Tag”, e cila në maj njoftoi se nuk kishte më kancer, publikoi më 25 tetor një seri fotografish në Instagram. Në disa prej tyre, ajo shfaqej duke pushuar në shtratin e spitalit.
Megjithatë, edhe gjatë kësaj periudhe, Jessie nuk e ka humbur humorin. Krahas një fotografie ku mbante reçipeta të zeza, ajo bëri shaka me rezultatin e ndërhyrjes, duke shkruar se i ati nuk mund ta thoshte më batutën e tij: "Do të ishte një shoqe apartamenti e shkëlqyer". Shakaja luan me fjalën angleze “flatmate”, që do të thotë bashkëbanues, dhe “flat”, që do të thotë i sheshtë, si aludim për gjoksin e saj.
"Tani më flisni bukur", shtoi ajo, duke e shoqëruar postimin me dy emoji vezësh të skuqura.
Në një tjetër fotografi para pasqyrës, këngëtarja shfaqej me veshjen e spitalit dhe gishtin e madh të ngritur. «Drejt shërimit», shkroi ajo.
Momentet me të birin gjatë rikuperimit
Për 38-vjeçaren, kjo periudhë ka pasur edhe çaste të ëmbla me djalin e saj 3-vjeçar, Sky, të cilin e ka me ish-partnerin Chanan Colman.
"Më i miri dhe më shtatlarti ndër 3-vjeçarët", shkroi ajo krahas një fotografie ku mbante dorën mbi kokën e të birit. Në një tjetër imazh, ku buzëqeshte pranë faqes së tij, shtoi: "Nuk dua askënd më shumë se atë".
Dhe dashuria është e ndërsjellë.
"U zgjua në mes të natës, erdhi në shtratin tim dhe më tha: “Të dua, mami”. Më kapi dorën dhe e zuri gjumi», tregoi Jessie krahas një tjetër fotografie me të birin.
Ndërsa kujdeset për shëndetin dhe kalon kohë me Sky-n, këngëtarja ka gjetur hapësirë edhe për disa nga aktivitetet që i pëlqejnë.
Jessie, e njohur edhe si anëtare e jurisë së “The Voice UK”, tregoi se ka parë seriale pa fund. «Kam parë çdo serial që është bërë ndonjëherë», shkroi me humor mbi një fotografi nga shtrati. Ajo ndau gjithashtu se ka kaluar më shumë kohë në kuzhinë dhe në palestër.
Ky ishte postimi i saj i parë që prej shtatorit, kur njoftoi se do të shkëputej për një periudhë nga rrjetet sociale për t’u përqendruar te shëndeti.
"Po largohem për pak kohë nga kjo botë për t’iu kthyer botës sime të vërtetë", shkroi ajo në Instagram më 7 shtator, duke shpjeguar se donte "t’i jepte mendjes, trupit dhe zemrës një përqafim për të cilin kishin shumë nevojë".
"Për t’iu nënshtruar më në fund operacionit të dytë të rindërtimit pas kancerit. Për të rimarrë energjitë, për t’u shëruar, për të pushuar, për të përpunuar gjithçka kam përjetuar, për t’i dhënë dashuri vetes dhe djalit tim, për t’i dhënë jetë kapitullit të ardhshëm të jetës sime dhe, mbi të gjitha, për të qenë e pranishme e për ta jetuar vërtet jetën", shtoi këngëtarja.
