E vërteta e krisjes mes Lori Hoxhës dhe Grida Dumës

Prej ditësh, në media dhe në rrjetet sociale kanë qarkulluar zëra për një ftohje të marrëdhënies mes Lori Hoxhës dhe Grida Dumës. Aludimet u bënë nga disa media vendase pas mungesës së daljeve të përbashkëta publike, duke spekuluar se raporti mes tyre nuk ishte më si dikur.

Megjithatë, këto pretendime nuk qëndrojnë.

Mbrëmjen e djeshme, Lori Hoxha ishte mes të ftuarve në festën e 21-vjetorit të Darienit, djalit të Grida Dumës, duke i dhënë fund të gjitha spekulimeve që kanë qarkulluar prej kohësh.

Në festë Lori u pa në shoqërinë e Grida Dumës dhe miqve të saj më të afërt, në një atmosferë të ngrohtë dhe festive. Prania e saj në një moment kaq të rëndësishëm familjar tregon se marrëdhënia mes tyre vazhdon të mbetet e fortë, pavarësisht zërave që kanë qarkulluar.

Në fakt, raporti mes Lori Hoxhës dhe Grida Dumës ka qenë gjithmonë një nga më të komentuarit që prej ardhjes së kësaj të fundit në Top Channel. Vetë Grida e ka pranuar më parë publikisht se Lori ka qenë njeriu që e bindi të bëhej pjesë e televizionit, duke e cilësuar si garancinë e saj për të nisur këtë kapitull të ri profesional.

Prania e Lori Hoxhës në ditëlindjen e Darienit duket se rrëzon çdo aludim për një krisje mes tyre dhe tregon se marrëdhënia vazhdon edhe jashtë ekranit.