Drake feston 40-vjetorin me një byzylyk unik me diamante, dedikuar të birit Adonis

Taylor Swift do të ishte krenare.

Drake festoi të shtunën 40-vjetorin dhe e shënoi këtë ditëlindje me atë që mund të jetë byzylyku i miqësisë më luksoz në botë: një krijim unik, të mbuluar me diamante, i projektuar nga Alessandro Bernini i Bernini High Jewelry dhe Domenico Formichetti.

Byzylyku i personalizuar mban emrin «Adonis» në njërën anë dhe «Iceman» në tjetrën, si dedikim për djalin e tij 9-vjeçar dhe për albumin më të fundit të reperit.

Sipas përshkrimit që Bernini ndau në Instagram, bizhuteria është punuar me «gurë të çmuar natyralë, ar të bardhë dhe diamante të jashtëzakonshme të kategorisë F për ngjyrën dhe VS për pastërtinë».

Ajo është krijuar posaçërisht për t’u kombinuar me orën Ice Gradient Daytona Rolex të Drake-ut, vlera e së cilës, sipas ekspertëve, arrin rreth 5 milionë dollarë.

Edhe ora është një ekzemplar unik. Kur e mori në gusht, Drake e quajti «sendin më të rëndësishëm që kam pasur ndonjëherë kënaqësinë të zotëroj».

Fusha e Rolex-it është tërësisht e mbuluar me diamante të vendosura me teknikën pavé, ndërsa korniza dhe pjesët ku lidhet rripi janë të zbukuruara me safirë. Edhe rripi është i mbuluar me gurë të çmuar. Në kapakun e pasmë është gdhendur shprehja «Freeze the World», një referencë ndaj këngës «Make Them Know» nga albumi «Iceman».

Përveç dhuratës së personalizuar, Drake e festoi ditëlindjen me një festë luksoze të premten në Cipriani 42nd Street, ku morën pjesë më shumë se 400 miq dhe njerëz të afërt.

Edhe pse të ftuarit nuk u larguan me byzylykë me diamante, sipas TMZ-së, ata morën çanta Chanel si dhurata dhe shijuan një performancë surprizë nga Backstreet Boys.

Gjithashtu, raportohet se pjesëmarrësit patën mundësinë të fitonin çmime në para që arrinin deri në 1 milion dollarë.