Capital T dhe Adrola Dushit ndajnë momente romantike nga pushimet

 
Capital T ka ndarë me ndjekësit një kolazh fotografish nga përditshmëria e tij, ku mes pamjeve të ndryshme shfaqen edhe momente romantike me partneren e tij, modelen shqiptare Adrola Dushi.

Dyshja, e cila prej kohësh është përfolur për një lidhje, e ka zyrtarizuar romancën e tyre vetëm disa muaj më parë.

Në fotografitë e publikuara ata shihen duke shijuar pushime së bashku dhe duke kaluar momente intime.

Këngëtari e ka shoqëruar postimin me përshkrimin “Romancë vere”, duke i dhënë një tjetër sinjal lidhjes së tyre të konsoliduar.

Në kolazhin e publikuar, Capital T ka përfshirë gjithashtu pamje nga koncerti i Kanye West në Shqipëri si dhe momente të tjera nga jeta e tij.