Ja si miqësitë toksike ndikojnë negativisht në shëndetin tuaj emocional

Marrëdhëniet shoqërore luajnë një rol të rëndësishëm në shëndetin mendor, por jo të gjitha miqësitë janë të shëndetshme. Sipas specialistëve të psikologjisë, disa lidhje shoqërore mund të kthehen në burim stresi dhe pasigurie, duke ndikuar negativisht në vetëbesim dhe mirëqenie emocionale.

Ekspertët theksojnë se miqësitë nuk duhet të mbahen vetëm për shkak të kohëzgjatjes së tyre, por duhet të vlerësohen në bazë të ndikimit që kanë në jetën e individit.

Nëse një marrëdhënie shkakton më shumë ndjesi negative sesa pozitive, ajo mund të konsiderohet e pashëndetshme. Sipas tyre, disa shenja paralajmëruese të një miqësie toksike përfshijnë gjykimin e vazhdueshëm, mungesën e sinqeritetit, tradhtinë e besimit dhe mungesën e ekuilibrit në komunikim.

Në këto raste, njëra palë mund të ndjejë se marrëdhënia është e njëanshme ose kontrolluese. Psikologët theksojnë gjithashtu se marrëdhëniet e shëndetshme shoqërore duhet të bazohen në mbështetje të ndërsjellë, respekt dhe ndjenjë sigurie. Kur këto elemente mungojnë, individi mund të ndiejë rritje të stresit dhe ulje të vetëvlerësimit.