Thonjtë në formë limoni: Manikyri 'Dolce Vita' që do ta shihni kudo

Nga “blueberry milk” te “butter”, “cherry” e “caramel”, tendencat e fundit të thonjve kanë qenë njësoj të shijshme sa një menu ëmbëlsirash. Por tani është koha për manikyrin më të freskët të verës: thonjtë lemon drop.

Verën e kaluar, trendi dominues ishte ai i thonjve tutti frutti, me dizajne si sallatë frutash dhe elemente 3D. Ky stil viral kulmoi në vitin 2024 dhe po shijon një ringjallje edhe në 2025. Këtë herë, fokusi është vetëm tek një frut i vetëm, i verdhë dhe plot jetë: limoni, i frymëzuar nga varieteti italian Sfusato Amalfitano. Perfekt për një verë “La Dolce Vita”.

Por, thonjtë lemon drop nuk janë aspak të thjeshtë. Ky trend po luan me ngjyra si e verdha limon, e kombinuar me nuanca blu, vija të bardha apo theksime artistike që të kujtojnë estetikën tradicionale të qeramikës Vietri të Bregut Amalfit. Lemoni është tashmë një simbol në shtëpitë e modës italiane si Dolce & Gabbana apo Roberto Cavalli dhe këtë sezon, është edhe trendi më i ndjekur në Instagram dhe TikTok.

Pse po i adhurojnë të gjithë thonjtë lemon drop?
Ka shumë arsye për ta dashur këtë stil. Ai përputhet në mënyrë perfekte me verën dhe pushimet limonët janë gjithkund këtë sezon, nga printet në veshje, tek ëmbëlsirat dhe pijet freskuese. Por mbi të gjitha, vizualisht është një trend shumë i këndshëm: funksionon mirë si për thonj të shkurtër, ashtu edhe për të gjatë. Mund të personalizohet sipas stilit tënd nëse je e guximshme, shto detaje të mëdha e ngjyra, nëse preferon thjeshtësinë, mjafton vetëm ngjyra e pastër limoni.

Edhe nëse nuk po planifikon një udhëtim në Italinë e Jugut, ky manikyr të jep ndjesinë e pushimeve dhe mirëqenies.

Konkluzioni? Kur jeta të jep limonë, shko bëj një manikyr me limon!