Me figura nga politika, teknologjia, showbiz-i dhe biznesi, revista Time shpalli listën e këtij viti të “100 njerëzve më me ndikim në botë”, duke konfirmuar ndikimin e qëndrueshëm të personaliteteve të mëdha në axhendën globale.


Lista e këtij viti përfshin emra nga 32 vende të ndryshme dhe pasqyron një shtrirje të gjerë të fushave ku ndodh ndryshimi: politika, teknologjia, arti, sporti, aktivizmi dhe sipërmarrja. Më i riu në listë është Léon Marchand, notari 22-vjeçar që shkëlqeu në Lojërat Olimpike në Paris, ndërsa më i moshuari, Muhammad Yunus, 84 vjeç, laureat i Çmimit Nobel dhe drejtues i qeverisë së përkohshme të Bangladeshit.

Donald Trump rikthehet në listë, këtë herë si President i SHBA-ve, me redaktorin Brian Bennett që thekson se “asnjë president tjetër modern nuk ka ushtruar një kontroll kaq absolut mbi funksionimin e qeverisë”. Në të njëjtën frymë, figura si Claudia Sheinbaum, presidentja e Meksikës, dhe Robert F. Kennedy Jr., i përshkruar si “një çrregullues i shëndetit publik”, përfaqësojnë kontrastin mes lidershipit tradicional dhe atij anti-establishment.

Në sektorin teknologjik, emrat që udhëheqin transformimin janë të njohur: Elon Musk, për të cilin Simon Schuster thotë se “çdo sfidë e re ndez në të një shpërthim krijimtarie”; dhe Mark Zuckerberg, i cili sipas CEO-së së Dropbox, Drew Houston, ka treguar “guxim për të bastuar me të ardhmen” nëpërmjet Meta-s. Një vend të veçantë zë edhe Demis Hassabis, shkencëtari i inteligjencës artificiale dhe drejtues i Google DeepMind, që këtë vit fitoi edhe Çmimin Nobel për Kimi.

Në showbiz, lista është një miks ndërmjet ikonave që rikthehen dhe talenteve që provojnë jetëgjatësinë e tyre. Demi Moore është një nga to – me rolin e saj në “The Substance” dhe rifillimin e një karriere në moshën 60-vjeçare. Scarlett Johansson, Adrien Brody, Kristen Wiig, Rashida Jones dhe Nicole Scherzinger janë gjithashtu në listë, të nominuar nga kolegë të industrisë që vlerësojnë gjithanshmërinë, guximin artistik dhe përkushtimin ndaj zanatit.

Kategoria: Artistë

Ed Sheeran

Scarlet Johansson

Kristen Bell

Nicole Scherzinger

Kategoria: Ikona

Demi Moore

Adrien Brody

Gisele Pelicot

Bobbi Brown

Léon Marchand

Kategoria: Liderë

Keir Starmer

Donald Trump

Elon Musk

Muhammad Yunus

J.D Vance

Kategoria: Titanë

Serena Williams

Blake Lively

Simone Biles

Miuccia Prada

Mark Zuckerbeg

Kategoria: Pionerë

Rose

Robert Montgomery

Andrew Forrest

Kategoria: Inovatorë

Snoop Dogg

Nikki Glaser

Jon M. Chu