Nëse mendonit se vetëm G Bani ishte mjeshtër në kalimin nga një dashuri në tjetrën me shpejtësinë e dritës, prisni të dëgjoni rrëfimin e fundit të Aldos. Në një bisedë me Danjën, ai rrëfeu se shkëputja e tyre nuk kishte ardhur për shkak të një interesi për Rizartën (me të cilën ndante krevatin në atë kohë), por për shkak të një përplasjeje emocionale shumë më të thellë.
“Shpresoj ta marrësh me qetësi këtë që do të them,” nisi ai. “Ndjenja lind, nuk ke çfarë i bën. Nuk është se pëlqeja Rezin apo dikë tjetër, por papritur fillova të ndiej disa gjëra që s’duhej t’i ndieja ndaj teje! Gjëra që e kalojnë raportin shoqëror. Nuk e kontrolloj dot.”
Përgjigja e Danjës? Qeshi.
Kujtojmë se Danja ka qenë e prerë që nga dita e parë: ka një lidhje jashtë dhe nuk ka ndërmend të përfshihet në ndonjë romancë brenda shtëpisë. Por, siç ndodh gjithmonë në këto realitete paralele, e pamundura duket se ushqen më shumë dëshirën.
Dhe ndërkohë që Aldo mundohet të deshifrojë ndjenjat e tij, ne s’mund të mos kujtojmë faktin që vetëm disa ditë më parë ai kishte bërë një “pakt” me Rizartën për të vazhduar njohjen e tyre jashtë.
Epo, në shtëpinë e madhe, deklaratat mund të ndryshojnë nga një prime në tjetrin. Ndjenjat? Edhe më shpejt.
