Fjalët që nuk duhen thënë nëse dëshironi të ngushëlloni dikë që po vuan

Për të menaxhuar stresin e një të afërmi, qoftë në rrethin familjar, miqësor apo edhe në marrëdhënie dashurie duhet të tregohemi të kujdesshëm në fjalët që zgjedhim të themi edhe pse qëllimi është gjithmonë për të ndihmuar dhe inkurajuar. E lehtë nuk është por nuk është nevoja të vendosim veten në presionin e faktit sesi duhet të shprehemi dhe se çfarë mund të bëjmë.

Çdo situatë është unike dhe ndonjëhere shumë delikate. Ajo që ka rëndësi është të jeni prezent, të tregoni mbështetje emocionale, mirësi dhe ngrohtësi me të afërmit. Para se të jepni një këshillë, jepini rëndësi dëgjimit aktiv dhe përqëndrohuni tek ajo që ai/ajo ka nevojë në atë moment të dhënë. I bëjmë kujdes përzgjdhjes së fjalëve. Arsyeja? Ka gjëra që nuk i thuhen kurrë një njeriu që po vuan. Nëse ekziston vullneti për të ngushëlluar një person, ka disa fjalë që është mirë të shmangen për shkak se ato mund të të vrasin e të të plagosin shpirtin edhe më shumë në një moment vulnerabiliteti.

Fjalët dhe shprehjet që nuk duhen përdorur:

“ Po çke… se nuk është kaq e madhe”. Si një mënyrë që doni t’i tregoni se ka të tjerë që kanë halle e probleme më të mëdha por në fakt një njeri që vuan nuk ka nevojë të dëgjojë një gjë të tillë, një mënyrë kjo sikur dëshironi tw nënvlerësoni dhimbjen e tij. Është mirë të thoni: “Të shoh që je në vështirësi, ke dëshirë të flasim?”

“Duhet të kthesh faqen!”.Çdo dhimbje është legjitime dhe ka nevojë për kohën e saj që të kalojë…Është më mirë të themi: “Merr kohën tënde… jam këtu për ty!”

“Ti duhet të jesh e fortë!”. Forca është e nevojshme për të rregulluar gjërat por kur dikush vuan, duhet së pari të pranojmë momentin e tij të dobësisë dhe dhimbjen. Duhet shmangur një diskutim ku tjetri fajësohet. Jepni rëndësi fjalëve mbështetëse si: “ Ti ke të drejtë të ndihesh kështu, jam këtu për ty!”.

“Të tjerët çfarë nuk kanë kaluar në krahasim me ty!” Në vend të kësaj mund të themi sërish se: “ Kjo që ti ndjen në këto momente është kaq e justifikuar…të dëgjoj me gjithë zemër!”

Fjalët kanë fuqi dhe impakti i tyre mund të jetë si pozitiv por edhe negativ në të njëjtën kohë në varësi të asaj që zgjedhim të themi dhe të artikulojmë. E rëndësishme është të dimë sesi t’i përdorim dhe të mos harrojmë të jemi një shpatull e ngrohtë për ata që në një moment të jetës së tyre gjenden në vështirësi dhe kanë nevojë për ngrohtësinë inkurajuese të fjalëve.