Një qasje e re inovative mund të transformojë munyrën tonë për të punuar duke përmirësuar cilësinë e jetës profesionale.

Në një mjedis profesional ku nuk mbarojnë mbledhjet, detyrat e panumërta dhe deadline të afërta duket e pamundur të arrihet ekuilibri ndërmjet produktivitetit dhe mirëqenies personale.

“Reset day”, “ Rivendosja e ditës”, është një parantezë e rëndësishme dhe integrimi kësaj metode në rutinën e punës është efikase. Një herë në muaj, punonjësit mund të izolohen vullnetarisht për t’u angazhuar në detyra pa u ndërprerë nga ndërhyrja e të tjerëve dhe pa u ngarkuar me detyrat dhe nevojat e rastësishme që sjell vendi dhe lloji i punës. Përgjatë një dite të tillë, nuk mund të ndërpritesh nga shkëmbime detyrash të minutës së fundit mes kolegëve apo urdhërave të shefit që vijnë si rezultat i zhvillimeve të fundit në një kompani.

“Rivendosja e ditës” është një “moment i shenjtë” për t’u marrë me detyra apo dosje që janë lënë në harresë dhe në pritje për shkak të punëve të shumta që dalin gjatë një dite.

Ky moment përqendrimi absolut është si një mbushje me oksigjenin e munguar që të lejon të kapësh ritmin dhe të riaktivizosh produktivitetin tënd. Mjafton të ndërtosh një komunikim në ambientin e punës, të vendosësh në dijeni kolegët për këtë periudhë mungese tënden që të sigurosh vërtete qetësine e nevojshme.

Të praktikosh në rutinën tëndë “ Reset Day”, është si të bësh zgjedhjen e një pune të strukturuar, efikase dhe që të përcjell sadisfaksion.

Kjo praktikë inkurajon më së miri menaxhimin e kohës në mënyrë të pavarur dhe të një balance më të mirë midis jetës profesionale dhe asaj personale. Një ditë e tillë ju ndihmon që të liroheni sadopak nga ngarkesa mendore e akumuluar dhe duke forcuar gjithashtu  produktivitetin tuaj profesional.

Studimet e kryera në Francë në disa korporata pune, kanë konstatuar se ekuilibri punë dhe jetë personale, aplikimi të paktën 1 herë në muaj i “Rivendosjes së ditës”, është një çelës kyç suksesi i jetës profesionale më të qetë por edhe më produktive.