Xheneta Fetahu ka reaguar publikisht pas shpërndarjes së videove me Drilon Ramën, ku ky i fundit dëgjohet duke i kërkuar takim Xhenetës në orët e vona të natës, duke lënë të kuptohet qartë se ka prirje për flirt me të. Për më tepër, ai shprehet se nuk ka më interes për Sara Kolamin.
Ajo theksoi se videoja është publikuar për të treguar një realitet që shpesh nuk njihet nga publiku dhe për të ekspozuar tentativat për nënshtrim.
Në deklaratën e saj, Xheneta shkroi:
Dua të sqaroj publikisht situatën që lidhet me videon ku shfaqet Drilon Rama, e cila është publikuar me qëllim për të treguar mënyrën se si ai sillet dhe si ka tentuar të denigrojë dikë tjetër publikisht.
Videoja është publikuar për të treguar një realitet që nuk është i njohur për publikun, dhe që përfshin një sjellje që është përsëritur si manipulim, presion dhe tentim për nënshtrim – ose siç ai vetë ka thënë: për të “luajtur” me personin tjetër.
Pas publikimit, rasti është trajtuar nga Agjencia për Mbrojtjen e të Dhënave Personale, ku është sqaruar se sipas nenit 202 të Kodit Penal të Kosovës, ky publikim është në kundërshtim me ligjin. Megjithatë, janë paraqitur edhe dëshmi që tregojnë se Drilon Rama ka qenë i vetëdijshëm për ekzistencën e videos, si dhe për përmbajtjen e saj.
Në momentin kur kjo video është realizuar, Drilon Rama ka qenë i vetëdijshëm për ekzistencën e saj dhe nuk ka shprehur kundërshtim për publikimin e saj. Ai nuk ka deklaruar se është kundër publikimit dhe nuk ka refuzuar apo ndaluar shpërndarjen e saj në asnjë mënyrë.
Sot, ai ka zgjedhur rrugën ligjore. Dhe kjo është një zgjedhje që e respektoj. Në përpjekje me këtë vendim të tij, dua të jetë e ditur se të gjitha materialet që përmbajnë kërcënime, shantazhe, tentativë për nënshtrim dhe çdo lloj presioni, do të dorëzohen në mënyrë të rregullt në gjykatë si prova zyrtare.
Videoja do të fshihet, vetëm sepse e kërkon ligji. Por e vërteta mbetet – ajo nuk fshihet dot.
Shantazhimin, kërcënimin e të gjitha që i ka bërë ai dhe menaxheri i tij, do të merren masa. Nuk e lë me kaq unë jo”.
