Nesër, më 30 mars 2025, rikthehet ora verore. Në orën 02:00 të mëngjesit, akrepat do të lëvizin 60 minuta përpara, duke u bërë ora 03:00. Kjo do të rezultojë në një orë më pak gjumë, por do të sjellë më shumë dritë gjatë mbrëmjeve, duke mundësuar shfrytëzimin më të mirë të orëve me diell dhe kursimin e energjisë elektrike. ?
Ora verore do të mbetet në fuqi deri më 26 tetor 2025, kur akrepat do të kthehen një orë pas, duke rikthyer orën standarde. ?
Koncepti i ndryshimit të orës u propozua fillimisht në vitin 1907 nga anglezi William Willett. Ai sugjeroi që njerëzit të zgjoheshin më herët gjatë muajve të verës për të shfrytëzuar më shumë dritën natyrore dhe për të kursyer energjinë elektrike. Megjithëse propozimi i tij u refuzua fillimisht, gjatë Luftës së Parë Botërore, më 1916, Britania e Madhe dhe vende të tjera adoptuan orën verore për të kursyer energji. ?
Ndryshimi i orës është një praktikë e zakonshme në shumë vende të Evropës, duke përfshirë Shqipërinë, me synimin për të optimizuar përdorimin e dritës natyrore dhe për të reduktuar konsumin e energjisë.
