Të gjithë vëzhguesit amerikanë ishin të bindur se Melania Trump, pas ceremonisë së inagurimit të Donald, do të qëndronte sa më larg që të ishte e mundur nga Shtëpia e Bardhë (dhe nga burri i saj). Duket se kishin të drejtë. Pas maratonës së Ditës së Inagurimit - rreth një muaj më parë - Zonja e parë nga Uashingtoni dhe Shtëpia e Bardhë është zhdukur thuajse tërësisht. Ajo u kthye vetëm në mbrëmjen e 22 shkurtit për darkën vjetore me guvernatorët e vendit, ku u shfaq e qeshur dhe në krah të bashkëshortit. Më parë, më 24 janar, ajo i ishte bashkuar Donaldit për një udhëtim në Karolinën e Veriut dhe në Kaliforni, dy nga rajonet më të dëmtuara nga zjarret e fundit. Kjo ishte e gjitha. Për pjesën tjetër, Melania ka humbur çdo gjurmë. Sepse, siç ka zbuluar një burim për People, “po jeton jetën e saj”. Dhe nuk është për t’u çuditur: “Nuk do të jetë kurrë një zonjë e parë tradicionale. Nuk është në natyrën e saj. Ka projektet e saj dhe po i realizon ato.”
Një nga këto projekte është edhe një dokumentari për Amazon Prime, i drejtuar nga Brett Ratner, i cili është producent ekzekutiv së bashku me Fernando Sulichin: “Melania ka qenë e angazhuar në xhirimin e dokumentarit të saj në disa lokacione, përfshirë Shtëpinë e Bardhë,” tha një politikan i Miami për People. Për pjesën tjetër, Zonja e parë ka kaluar kohën e saj kryesisht në Mar-a-Lago. Dhe kur është në rezidencën e saj në Palm Beach, zakonisht “qëndron vetëm,” edhe pse “nganjëherë darkon me burrin.” Melania, në janar të vitit të kaluar, në një intervistë për Fox News, kishte sqaruar: “Do të jem në Shtëpinë e Bardhë. Dhe kur do të kem nevojë të jem në Nju Jork, do të jem në Nju Jork. Kur të kem nevojë të jem në Palm Beach, do të jem në Palm Beach. Prioriteti im kryesor mbetet të jem një nënë, një Zonjë e parë dhe një grua.” Megjithatë, në Shtëpinë e Bardhë - dhe në krah të burrit të saj - gjatë muajit të fundit nuk është parë pothuajse fare.
Për më tepër, prej kohësh qarkullon thashetheme se martesa mes Melanisë dhe Trump është vetëm për fasadë. Ata, të martuar që nga viti 2005 dhe prindër të Barron, i cili tani është 18 vjeç, thuhet se janë larguar që në vitin 2018, kur u bënë publike skandalet lidhur me aktoren e filmave për të rritur, Stormy Daniels, dhe modelen e Playboy, Karen McDougal: Donald Trump thuhet se i ka frekuentuar ato në vitin 2006, vitin kur Melania solli në jetë Barron. Që atëherë, sipas thashethemeve, miliarderi dhe ish-modelja bëjnë jetë të ndarë. E vërtetë apo jo, pas zgjedhjes së burrit të saj, Melania nuk është zhvendosur, siç do të kishte dashur tradita, në Shtëpinë e Bardhë. Dhe siç ndodhi gjatë presidencës së parë të burrit të saj, ajo vazhdon të jetë një grua e parë sa më tërhequr nga skena.
