Keinemusik në Shqipëri? Po, Noizy e bën realitet dhe do të jetë epike!

Kur një event bëhet më shumë sesa një koncert, kur tingujt nuk janë më thjesht muzikë por një eksperiencë, atëherë dihet se diçka e madhe po vjen. Noizy ka vendosur ta çojë “Alpha Show” në një dimension të ri këtë vit: një natë ku Keinemusik, legjendarët e muzikës elektronike, do të pushtojnë skenën në Tiranë.

Adam Port, &ME, Rampa dhe Reznik, mjeshtrat e beats-it elektronik, do të sjellin në Shqipëri atë që kanë bërë në festivalet më të mëdha botërore.

Nga Ibiza në Coachella, në festivalet më të mëdha e klubet më ekskluzive të botës, Keinemusik ka ndërtuar një identitet që nuk mund të imitohet.

Çfarë e bën kaq të veçantë Keinemusik?

Keinemusik nuk është thjesht një label, është një filozofi muzikore. Ata nuk ndjekin trendet, ata i krijojnë ato. Me një stil që nuk mund të vendoset në asnjë kuti të paracaktuar, ata ndërthurin elemente house, techno dhe groove për të krijuar një përvojë që shkon përtej një seti DJ.

Keinemusik nuk luajnë muzikë, ata ndërtojnë një realitet paralel ku ritmi është gjuha universale.

"Alpha Show" është shndërruar në një nga ngjarjet më të rëndësishme muzikore në Shqipëri, duke tërhequr mijëra fansa çdo vit. Noizy e nisi si një ide, si një skenë ku hip-hopi dhe muzika urbane të kishin një shtëpi të madhe në Shqipëri. Sot, “Alpha Show” është më shumë se kaq, është një festival, një destinacion ku artistë nga e gjithë bota bashkohen për të krijuar kujtime që nuk harrohen lehtë.

Nëse mendon se ke parë gjithçka, mëso se më e mira sapo ka filluar. Për biletat dhe detajet e tjera, ndiq “Alpha Show” në Instagram dhe sigurohu që të jesh pjesë e kësaj nate të paharrueshme.