Timothée Chalamet dhe Kylie Jenner, një natë dashurie në Paris

Dy ditë më parë, në premierën e filmit A Complete Unknown në Londër, Timothée Chalamet surprizoi të gjithë teksa mbërriti në tapetin e kuq me një biçikletë. Edhe pse disa prisnin ta shihnin së bashku me të dashurën e tij, Kylie Jenner, aktori bëri të kundërtën. Në Paris, për premierën e filmit, Kylie ishte aty pranë tij.

Çifti u fotografua jashtë një restoranti në qendër të Parisit, vendi ideal për një darkë romantike. Timothée mbante një xhup shumëngjyrësh dhe një kapele, ndërsa Kylie shkëlqente në veshje të zezë elegante, me supe të zbuluara dhe një pallto në dorë. Duke kaluar përmes fotografësh, ata shfaqën një harmoni të dukshme, duke ecur dorë për dore, me Timothée-n që hapte rrugën me një buzëqeshje të lehtë.

Timothée dhe Kylie thuhet se janë lidhur që nga prilli i vitit 2023. Puthja e tyre e parë publike u kap nga kamerat në shtator, gjatë koncertit të Renaissance World Tour të Beyoncé-s. Më pas, gjatë ndarjes së çmimeve Golden Globe 2024, ata konfirmuan romancën e tyre me një paraqitje publike, ndërsa Timothée thuhet se i pëshpëriti Kylie-t: “Të dua.” Megjithatë, aktori ka bërë të qartë dëshirën e tij për ta ruajtur privatësinë e jetës personale.

Për një vit të tërë, çifti e mbajti marrëdhënien larg vëmendjes mediatike dhe rrjeteve sociale. Por rikthimi i tyre në Golden Globe, dhjetë ditë më parë, shkatërroi çdo spekulim mbi ndonjë krizë. Tani, në qytetin e dashurisë, Paris, ata kanë rikonfirmuar lidhjen e tyre të fortë, duke u shfaqur të lumtur dhe në harmoni të plotë.