Saimir Pirgu magjeps kritikët më të lartë të artit: 'Është tenor heroik!'

Me një axhendë tejet të ngjeshur, në teatrot më prestigjozë në botë Saimir Pirgu vijon të magjepsë publikun anekënd globit me interpretime brilante. 

Këtë herë bëhet fjalë për "Carmen", një vepër e njohur në nivel ndërkombëtar, e mbajtur në Cyrih, një bashkëprodhim me Opera Comique në Paris.

Regjisori Andreas Homoki arriti një përshtatje franceze, me shumë estetikë dhe pak rekuizita.

Ndër solistët e shfaqjes veçohet vetëm tenori Saimir Pirgu në rolin e Don José. Gianandrea Noseda drejton Filarmoninë e Cyrihut me dorë të mirë dhe pa patos artificial.

Në gazetën NZZ theksohej se opera ‘Carmen’ është një kafshatë e madhe për çdo teatër në botë, por Pirgu realizoi në mënyrë shembullore rolin dhe është cilësuar si tenor heroik.

Gazetari i njohur Christian Berzins vlerësoi Saimir Pirgun si interpretuesin më të mirë të mbrëmjes dhe sipas Berzins, partnerja Marina Viotti e pati paksa të vështirë të ndiqte profesionalizmin dhe potencën e Pirgut.

Carmen është bërë një nga operat më të njohura dhe më të shpeshta në kanunin klasik.

Opera është shkruar në zhanrin e opéra comique me numra muzikorë të ndarë me dialog. Tregon historinë e rënies së Don José, një ushtar naiv që joshet nga dredhitë e ciganes së zjarrtë Carmen. José braktis të dashurën e tij të fëmijërisë dhe braktis detyrat e tij ushtarake, megjithatë humbet dashurinë e Carmen për Escamillo,, pas së cilës José e vret atë me një xhelozi të tërbuar.

Përshkrimet e jetës proletare, imoraliteti dhe paligjshmëria, dhe vdekja tragjike e personazhit kryesor në skenë, hapën terren të ri në operën franceze që ishtë shumë i diskutueshëm.