Princ Leka, përmes një reagimi zyrtar, ka konfrimuar ndarjen nga Elia Zaharia, ndërsa bën me dije se kanë nisur dhe procedurat e nevojshme ligjore.
Princ Leka thekson se mirëqenia e vajzës së tyre do të mbetet në qendër të vëmendjes.
Postimi:
Përshëndetje miq dhe dashamirës,
Me anë të këtij postimi ju komunikoj zyrtarisht se LTM Princ Leka dhe Elia Zaharia kanë rënë dakord që martesës së tyre t’i jepet fund.
Duke qenë se martesa e ka humbur funksionin e saj, kane parë të udhës ta zgjidhin atë me pëlqim reciprok duke filluar procedurat e nevojshme ligjore.
Pavarësisht besimit tek instituti i familjes, LTM Princ Leka II beson se vlerat e respektit dhe mirëkuptimit reciprok do të përbëjnë bazën e marrëdhënies në vijimësinë e saj, që do të ketë si motiv rritjen dhe edukimin e LSM Princeshës Geraldinë!!!
Mirëqenia shpirtërore dhe fizike e vajzës, LSM Princeshë Geraldinës, do mbetet në qendër të vëmendjes së tyre, të përkushtuar për të siguruar një jetë të lumtur dhe të sigurt për Geraldinën.
View this post on Instagram
LTM Princ Leka Il nuk do të bëjë deklarata apo komente të mëtejshme dhe kërkon që të respektohet e drejta për privatësi lidhur me këtë çështje.
Mes raportimeve për divorc, në media prej javësh po gëlon lajmi se princ Leka ka nisur një romancë të re.
Sipas burimeve, Elia Zaharia dhe Princ Leka kanë nisur procedurat e divorcit zyrtarisht 6 muaj më parë, teksa vajza fotografe u kthye në kryefjalë të mediave, pas aludimeve për lidhje.
Ata janë parë së bashku në aeroportin e Budapestit duke iu shmangur syve kureshtarë.
