Një japonez i propozoi të dashurës për martesë në mënyrën më të pazakontë duke përdorur GPS

Ka mënyra e mënyra romantike për t'i propozuar të dashurës suaj për martesë, por një burrë nga Tokio shkoi përtej imagjinatës për t'i kërkuar të dashurës së tij të martohej me të.

Yasushi "Yassan" Takahashi i propozoi të dashurës së tij, Natsuki, duke përdorur "Google Earth" dhe artin GPS. Yassan filloi udhëtimin e tij për propozimin e martesës kur kuptoi ndjenjat e tij për Natsuki 11 vjet më parë.

31-vjeçari udhëtoi nëpër Japoni duke përdorur GPS për të shkruar "Do martohesh me mua" dhe paraqiti udhëtimin e tij të përfunduar në Google Earth si propozimin e tij. Ai përshkoi rreth 4,451 milje duke udhëtuar nga ishulli Hokkaido në brigjet e Kagoshima në gjashtë muaj për misionin e tij.

Propozimi i martesës së Yassan erdhi si një surprizë për të dashurën e tij, e cila tha, "Ndjeva dashurinë më të madhe në botë".

Propozimi gjithashtu e ndihmoi atë të hynte në Rekordin Botëror Guinness për vizatimin më të madh GPS në histori.

Dikush mund të krijojë një vizatim dixhital në shkallë të gjerë duke udhëtuar me një pajisje GPS përgjatë një rruge të paracaktuar. Kur itinerari ngarkohet në Google Earth, një vepër arti merr formë.

Yassan kishte krijuar GPS art me Google Earth dhe Google Street View për më shumë se 10 vjet.