Elsa Lila pasi la gjurmë me këngën 'Evita', është rikthyer sërish në Shqipëri duke na tërhequr vëmendjen këtë herë me një kauzë që ajo po mbështet.
Në fakt, bëhet fjalë për një projekt që ndikon në jetën e shumë njerëzve. Saimir Vishaj, avokat i njohur dhe njëkohësisht daja i këngëtares, ka botuar një libër me titullin, Avokati im në luftë kundës dhunës në familje.
Një libër që prek një plagë të shoqërisë dhe ka si synim sensibilizimin e të rinjve për ta luftuar dhunën.
Libri do të jepet falas, ku në fokus do të jenë shkollat, sidomos në zona rurale.
Profesioni i tij si avokat ka bërë që, Saimir Vishaj të përballet dhe me situata konkrete dhe të vështira, sidomos të grave të dhunuara, që i janë drejtuar për ndihmë ligjore studios së tij të avokatisë.
Ky libër i drejtohet çdo njeriu, si një manual praktik dhe edukues. Një libër që e bën më të prekshme këtë problematikë dhe jep një zgjidhje të saj, duke na treguar se çfarë rruge duhet të ndjekë dikush që është viktimë e dhunës në familje apo në shoqëri.
