Selena Gomez ka folur hapur për problemet e saj të shëndetit mendor gjatë gjithë karrierës dhe në dokumentarin e ri ajo do të ndajë edhe më shumë detaje. Në një intervistë të re me Rolling Stone, Gomez tha se kishte menduar vetëvrasjen prej vitesh.
View this post on Instagram
"Unë do të jem shumë e hapur me të gjithë për këtë: kam qenë në katër qendra trajtimi," tha Gomez për Rolling Stone. “Mendoj se kur fillova të mbush të njëzetat ishte kur filloi të errësohej vërtet dhe kur fillova të ndjeja se nuk e kontrolloja atë që ndieja, nëse ishte diçka vërtet e mrekullueshme apo vërtet e keqe”.
Gomez, tani 30 vjeç, nuk mund ta kuptonte mirë se përse kalonte javë apo muaj nëpër periudha ngritjesh dhe uljesh ekstreme. Ndonjëherë, ajo nuk mund të flinte për ditë të tëra. Në një moment, ajo ishte e bindur se duhej t'u blinte të gjithëve që njihte një makinë përpara se të fillonte një periudhë tjetër "e errët".
“Filloi me depresionin, më pas shkova në izolim”, shpjegoi ish-ylli i Disney Channel. "Pastaj nuk mund të lëvizja nga shtrati im. Nuk doja që dikush të fliste me mua. Miqtë e mi më sillnin ushqim sepse më donin, por askush nga ne nuk e dinte se çfarë ishte. Ndonjëherë kalonin javë. Qëndroja në shtrat, ku edhe të zbrisja shkallët e shtëpisë më merrte frymën."
Edhe pse ajo kurrë nuk tentoi të vetëvritej, ajo i tha Rolling Stone se e kishte menduar për vite me radhë.
“Mendova se bota do të ishte më mirë nëse nuk do të isha”, tha këngëtarja.
Gomez më vonë u diagnostikua me çrregullim bipolar, gjë që e ndihmoi atë të kuptonte se çfarë po kalonte.
