Ditën e djeshme, Bebe Rexha shprehu në Twitter dëshirën për një bashkëpunim me tre këngëtaret e njohura shqiptare: Dua Lipën, Rita Orën dhe Ava Max. Ishte pikërisht Ava, ajo që e pranoi e para propozimin duke u shprehur se do të ishte një Lady Marmalade e re. Më vonë, edhe Dua Lipa e konfirmoi duke komentuar: “Hajde shqipe”. Ndërsa Rita e konfirmoi në një postim të një faqeje në Instagram duke komentuar: “Jam dakord. I respektoj të gjitha këto zonjusha të mrekullueshme”.

Ka qenë reperi Gashi, ai që ka komentuar në postimin e Bebe Rexhës duke dhënë edhe një sugjerim tjetër. Ai ka sugjeruar emrin e Njomzës, e cila po ashtu është një emër i njohur në SHBA, mike e Ariana Grande-s dhe një prej tekstshkrueseve të këngës më të famshme të momentit “7 Rings”. Bebes i ka pëlqyer kjo ide duke rënë plotësisht dakord dhe Njomza nga ana tjetër ka pranuar.

Komente të shumta kërkonin që të ishte edhe Era Istrefi pjesë e bashkëpunimit, megjithatë ende nuk ka një përgjigje nga Bebe Rexha rreth këtij sugjerimi. Ndërkohë ne mezi po presim që vajzat të fillojnë punën për realizimin e këngës.