Të dielën u mbyll Panairi i 19-të i Librit në Tiranë pasi kishte shpallur autorin më të mirë, Agron Tufën. Megjithatë gara më e fortë zhvillohet në fushën e shitjeve sesa në atë të çmimeve të jurisë së Panairit dhe sot, Shoqata e Botuesëve të Shqipërisë, organizatorja e Panairit, ka shpallur listën e librave më të shitur me shifrat zyrtare.
Beteja për majën është bërë mes dy autorëve të konfirmuar, që prej vitesh janë personazhet e Panairit të Librit në Tiranë, Blendi Fevziut dhe Ben Blushit. Mes Pushteti-t dhe Kryeministri-t ka dalë i pari Kryeministri i Ben Blushit, për ta lënë Pushtetin e Fevziut në vend të dytë. Të dy librat janë botime të UET Press, shtëpisë botuese që në 10 më të shiturit merr pjesë edhe me librin Ali Pashë Tepelena të Ilir Ikonomit.
Në listën e publikuar nga pasqyre.al gjen libra letrarë, studimore, botime të reja të këtij Panairi, por edhe të vjetra si dhe libra kuzhine. Mikesha Gjeniale e autores italiane e shtëpisë botuese Pegi ka arritur të zërë vendin e katërt dhe libri me receta i Renato Mekollit, nga Dudaj “Sekretet e shijes” vendin e pestë.
Lista e Librave më të shitur
Kryeministri B.Blushi, 4000 kopje
Pushteti B. Fevziu, 3400 kopje
Rruga e së keqes, R Galbraith, 2200 kopje
Mikesha Magjike E.Ferrante, 1950 kopje
Sekretet e shijes R. Mekolli, 1600 kopje
Familja thuajse e përsosur, J. Shemilt, 1100 kopje
Gjemia e mbytur, F. Kongoli, 1011 kopje
Esat Pasha, I. Ikonomi, 860 kopje
Si të udhëtosh me salmon, U. Eco, 700 kopje
Vajza në tren, P. Hawkins, 600 kopje
Konkubina ruse, K. Furnivall, 500 kopje
Ishulli në det, I. Allende, 500 kopje
Kopshti veror, P. Simons, 500 kopje
Kur qau Niçja, I. Yalom, 430 kopje
Endrra e doktorit, B. Mustafaj, 421 kopje
