Që në momentin e zgjimit mund të kuptojmë se do të jetë një ditë e mirë për ne ose jo. Një parandjenjë e krijojmë menjëherë teksa zgjohemi edhe për shkak të energjisë trupore dhe vitalitetit tonë që ndonjëherë kuptojmë dhe ndjejmë se na mungon. Mund të ndikojë dhe sesi e keni mbyllur një ditë më parë..një zënkë në familje, lodhje dhe stresi në punë, hatërmbetje mes miqsh etj. Të gjitha këto mund të jenë faktorë thelbësorë që një ditë më pas mund të zgjohesh pa humor dhe me mungesë të theksuar energjie.

E megjithatë, ekzistojnë disa mënyra të provuara që mund të na furnizojnë me forcë dhe emocione të mira të cilat na drejtojnë në një gjendje emocionale dhe shpirtërore edhe më të mirë. Ju mund të forconi moralin tuaj thjeshtë duke aplikuar disa veprime të thjeshta të sugjeruara nga një specialist i shëndetit mendor.

Disa ide të thjeshta  për t’a shndërruar ditën tuaj në një ditë pozitive dhe plot dritë.

Bëni ecje

Ecja dhe shëtitjet mund të ndihmojnë në sistemimin e mjaft probleme. Kur ndjeni se jeni melankolik dhe të mërzitur, të bësh ecje mund të jetë një shpëtim. Ajri i pastër, lëvizjet dhe të folurit në heshtje me veten mund të ndikojnë drejt stabilizimit të humorit tuaj!

Shkruajini mendimet tuaja

Të hedhësh në një letër mendimet negative apo dyshimet dhe pasiguritë tuaja mund të ndihmojë në çlirimin  tuaj por edhe të identifikimit të arsyeve të humorit të keq. Psikologët e rekomandojnë shumë të shkruarin e përditshëm në terapitë me pacientët e tyre. Është një ushtrim i shpejtë dhe i thjeshtë për të rigjetur veten me renditjen e ideve. Shkruani 5 gjërat që pëlqeni tek vetja dhe 5 gjëra për të cilat i je mirënjohës vetes në jetën tënde.Shkruani edhe dhe 5 gjërat e mira që kanë ndodhur përgjatë 24 orëve të fundit,përfshirë këtu edhe kafenë të pirë në mëngjes dhe 5 gjërat që mezi prisni të realizohen. Do ta shikoni që do të ndiheni edhe më mirë emocionalisht.

Merrni në telefon një mik/mikeshë

Është e udhës dhe e shëndetshme të bëni nje telefonatë me dikë që e keni për zemër kur ndiheni poshtë me moralin. Është e provuar që ju ndihmon të ndiheni më mirë kur ju ndani shqetësimet e mendimet tuaja me dikë tjetër. Diskutimi lejon të largosh fokusin nga problemet.

Kërceni

Mjafton të vendosni muzikën tuaj të preferuar dhe të kërceni qoftë edhe vetëm tre minuta për të rigjetur energjinë e humorit të mirë! Kërcimi na përcjell një efekt të menjëhershëm, forcon trupin dhe humorin duke na ndihmuar të gjejmë veten në një ditë me doza pozitiviteti.

Bëni një dush të gjatë e të ngrohtë.

Një dush i gjatë dhe i ngrohtë dhe me vajëra esencialë, pse jo edhe me pak muzikë në sfond, na ndihmon të përftojmë një moment shtensionimi i cili do të na ndihmojë për të arrirë një humor të mirë.

Të bësh projekte

Për të forcuar moralin, mund të ju duket e pazakontë por të mendosh dhe të imagjinosh për projekte të reja, ju bën të ndiheni më mirë në mënyrë të menjëhershme. Qoftë dhe planifikimi i pushimeve të ardhshme, të programosh një darkë pas disa ditësh mes miqsh etj.