Neerja Bhanot, ishte vetëm 22 vjeç kur u shndërrua në një heroinë ku historia botërore vështirë t’a harrojë!
Në vitin 1986, kur ajo punonte si stjuardesë në fluturimin Pan Am Flight 73, gjatë një ndalese në Karachi, avioni u rrëmbye nga një grup terrorist. Në momentet e para të këtij sulmi ndodhi ekzekutimi me vdekje i një pasagjeri amerikano-indian dhe flakja e menjëhershme e trupit të tij në drejtim të paditur pa e menduar shumë gjatë. Stjuardesa 22 vjeçare u urdhërua të mblidhte pasaportat e të gjithë pasagjerëve me përjashtim të atyre të shtetasve amerikan.
Por Neerja Bhanot kishte plane të tjera. Duke rrezikuar jetën e saj, ajo fsheu pasaportat e 43 shtetasve amerikan, disa prej tyre duke i fshehur nën karrige dhe disa në koshat e mbeturinave, duke bërë gjithçka mundi që të mos identifikoheshin. Pas 17 orësh në agoni, rrëmbyesit e mbajtën peng avionin dhe më pas kaosi nisi të lulëzojë. Eksplozivët nisën të shpërthenin dhe të shtënat e armëve nuk pushonin.Në mes të gjithë këtij kaosi, Neerja u hodh të hapte dyert e emergjencës, jo për t’u arratisur por shpresonte për sigurinë e të tjerëve brënda atij avioni. Ndërkohë që plumbat vërshonin pa ndalur, ajo arriti me guximin dhe kurajon e pandalur të mbronte me trupin e saj 3 fëmijë amerikan. Ajo u qëllua dhe vdiq! Falë trimërisë së saj, 42 nga 44 amerikan në bordin e fluturimit, mbijetuan!
Një nga djemtë që Neerja mbrojti me jetë u rrit me dëshirën për t’u bërë kapiten i një linje ajërore të njohur. Ai ka rrëfyer shpesh se i ka borxh çdo ditë të jetës së tij, stjuardesës zemërmirë, Neerja dhe që ajo ka qenë e do të mbetet frymëzimi i tij më i madh në jetë.
