Ka disa njerëz për të cilët ai gjumi i mirë, i thellë, nga zgjohen më të lehtë sesa kurrë është vetëm një kujtim. Një kujtim nga shtëpia e gjyshërve, nga rrjeta e butë që prindërit e kapnin me përkushtim mes dy pemëve të një pylli, gjatë pushimeve verore, nga shtëpiza buzë detit, nga hoteli luksoz, i paguar nga kompania qendrore, në udhëtimin e fundit të punës…
Derisa dikush ka fatin të zbulojë shtratin DUX. Nuk është diçka mes një djepi ëndrrash dhe një arritjeje të teknologjisë së fundit, as diçka mes përvojës dhe së resë, është të gjitha këto dhe shumë më tepër.
Sistemi i fjetjes DUX është zgjedhja e Robert De Niro-s, Hillary Clinton-it, Tony Blair-it, familjeve mbretërore apo hoteleve me 7 yje, si Burj Al Arab Jumeirah në Dubai, por të gjitha këto fakte nuk janë aspak impresionuese para përvojës që dikush mund të ketë vetë. Dhe mund t’ju them me bindje, që është një mrekulli!
Nëse po mendoni çfarë ka kaq të veçantë ky shtrat, atëherë duhet t’ia nis nga fillimi.
Ky shtrat nuk është i veçantë, është unik. Në kuptimin e parë dhe të vërtetë të fjalës. Është e pamundur të gjesh një tjetër të ngjashëm pa logon DUX, sepse biznesi familjar Ljung, që prodhon këto sisteme fjetjeje që prej 90 vitesh tashmë, duke dashur të stimulojë inovacionin, ka vendosur të prodhojë çdo pjesë të shtratit vetë, përfshirë këtu dhe sustat dhe makineritë ku ato prodhohen dhe përmirësohen vazhdimisht. Një shtrat i pakopjueshëm, sepse është unik në çdo qelizë, në çdo sustë! Dhe një shtrat ka 5000 të tilla, të krijuara nga rreth 3 kilometër fill çeliku i prodhuar nga përpunimi i gurit malor suedez. Ashtu si dhe korniza e drunjtë vjen nga pjesa e brendshme e pishave nordike, të cilat rriten shumë ngadalë, që e bën drurin e tyre të një fortësie të veçantë. Ashtu si jastëkët që shoqërojnë këtë shtrat, janë të mbushura me pupla natyrale dhe susta të imëta, për një përvojë unike. Të gjitha duke respektuar ciklet e natyrës dhe jetën e specieve të saj. Ky shtrat i mbart përrallat me vete, ndoshta prandaj gjumi në të është aq i ëmbël!
Por nëse kështu do mendonte një shpirt romantik, një mendje racionale mund të ndalej te ndërtimi i tij, për të kuptuar që çdo shtresë dhe çdo pjesë është e studiuar, e provuar dhe e përmirësuar në maksimum në funksion të mirëqenies së trupit.
Sustat që bashkëveprojnë, shpërndajnë presionin në mënyrë të barabartë duke maksikmizuar komoditetin, shtresa e tyre e sipërme merr formën e trupit, ndërsa e poshtmja siguron mbështetjen, kështu shpatullat dhe ijët zhyten më thellë, shtylla kurrizore qëndron në vijë të drejtë, presioni shpërndahet dhe gjaku qarkullon më mirë dhe matje shkencore, kanë vërtetuar që truri i personave që flenë mbi këtë dyshek e arrijnë më shpejt dhe qëndrojnë më gjatë në fazën e gjumit të thellë, ku ndodh çlodhja e vërtetë e trupit dhe trurit. Dhe është Instituti Karolinska në Stokholm, Universiteti i famshëm Mjekësor që lëshon Çmimin Nobel për Mjekësi dhe Fiziologji, institucioni që teston dhe certikon Shtratin DUX!
Detajet e nevojshme për mendjet racionale, vazhdojnë…
Materiali biologjik Feltpad, 100 për qind pambuk, minimizon zhurmat, kombinimi i përqindjes së lateksit natyral dhe sintetik dhe pambukut natyral dhe poliestrës, në përbërje të dyshekut, është saktësisht aq sa është vërtetuar shkencërisht, për të dhënë marrëdhënien optimale ndërmjet rehatisë dhe qëndrueshmërisë.
Është edhe sistemi Pascal Dux, një shtresë e sipërme sustash, që i lejon përdoruesit të përshtasin fortësinë e shtratit, sipas nevojave dhe preferencave personale, kur edhe sa herë të dëshirojnë.
Shtretërit DUX vijnë në disa përmasa, me këmbë fikse apo me rrota, me koka krevati të disa modeleve, madje edhe në variantin kur pjesa e sipërme e krevatit mund të ngrihet dhe ulet, e komanduar nëpërmjet një telekomande…
Dhe kjo mundësi për ta kthyer shtratin në vendin më të mirë për rigjenerim, parimi i Efraim Ljung, themeluesit të DUX, tashmë është edhe në Shqipëri. E ka sjellë çifti shqiptaro-amerikan Saimiri dhe Linda, të cilët, të dashuruar me DUX, duhet thënë që me të nuk ke asnjë alternativë tjetër më të zbehtë sesa kaq, pasi takuan pronarin dhe menaxheren e firmës në New York dhe vizituan një fabrikë të saj në Porto, vendosën ta sjellin ekskluzivisht në Shqipëri, ku do e prezantojnë më 28 prill në Hotel Rogner.
Në këtë hotel, një prej dhomave ka shtrat DUX dhe me hapjen e pjesës së re, suita presidenciale do të ketë një DUX BED dhe, po në Rogner mund të zhvillohen takimet me administratorin në rastin e porosisë së një shtrati duke qenë se secili është ekskluziv, shumë pjesë janë të realizuara me dorë dhe është i personalizuar, derisa një ditë të ketë një showroom Duxiana, si në shumë vende të botës.
Një opurtinitet ekskluziv, për t’u zgjuar çdo ditë të rigjeneruar, me energji të ripërtërira, e vetmja arsye për t’u ndarë deri në mbrëmjen tjetër nga ai djep ëndrrash i gdhendur me teknologjinë më të fundit.
